كل صورة من دول بتحكي حكاية، أو ليها ألف حكاية وحكاية، وطبعا في غيرهم كتير وكتير، لأن كل لحظة وكل ذكرى وكل صورة بينا ليها مكان خاص في قلبي. من يوم ما عرفتك وإنتي نورتي حياتي، حجزتي مكان في قلبي ومليتي فراغ كان موجود، وإن شاء الله طول العمر هتفضلي في نفس المكان، ومش هيتغير أبدا مهما عدت السنين ومهما حصل في حياتنا. وطبعا بعد فترة كبيرة من الحب والحياة، وبعد ما مرينا بحاجات كتير حلوة مع بعض، وحاجات تانية يمكن مكنتش سهلة، بس عديناها سوا وكنا دايما جنب بعض، ربنا رزقنا بأفضل الهدايا والعطايا، ألا وهي نوح، اللي نور علينا حياتنا وأضاف البهجة والسرور لقلوبنا، وخلانا نعرف يعني إيه فرحة بجد. وبعدها ربنا كرمنا بزيادة، ومن علينا إنه رزقنا بحملك في موسى، وإن شاء الله يوصل بالسلامة وينور حياتنا أكتر وأكتر، ويكون أخ حنين لنوح، وتفضل عيلتنا تكبر في حب وراحة وستر ونعمة من ربنا. وفي الختام، يمكن الكلام مهما كان كتير مش هيقدر يوصف كل اللي جوايا ناحيتك، بس اللي متأكد منه إنك من أجمل الحاجات اللي حصلتلي في حياتي، وإن كل يوم بيعدي وأنا معاكي بيأكدلي إني اخترت صح. بحبك، وهفضل أحبك، وإن شاء الله أفضل طول العمر شايلك في قلبي وفي نفس المكان اللي حجزتيه من أول يوم عرفتك فيه. ❤️